АН-ын ҮЗХ-ны хуралдаан хаалттай үргэлжилж байна. Хуралдаанаар АН-ын дүрмийг шинэчлэх ажлын хэсэг байгуулах, мөн 12 дугаар сарын 06-нд болох Их хуралд бэлтгэх ажлын хэсгийг тус тус байгуулна. АН-ын ҮЗХ-ны хуралдаанаар хэлэлцэх асуудалтай холбогдуулан П.Цагаанаас зарим зүйлийг тодрууллаа.

-АН-ын шинэчлэлийг юунаас эхлүүлэх вэ?

-АН-ын шинэчлэл хийхдээ хамгийн эхлээд дүрмээ дагадаг болох хэрэгтэй. Даргаасаа өгсүүлээд намынхаа дүрмийг дагадаг болох хэрэгтэй байна. Асуудлаа дүрмийн дагуу энгийн гишүүдийн оролцоотойгоор шийддэг болох шаардлагатай. Ер нь бол зодоон хүртэл дүрэмтэй байдаг. Гэтэл одоо дүрэмтэй нам дүрэмгүй болчихоод байна. 

-Та намын даргад нэрээ дэвшүүлж байгаа хэвээрээ юу?

- Намын шинэчлэлийн хүрээнд энэ асуудлыг гишүүд шийднэ. 

-АН-д эв нэгдэл дутагдаж байна гэдэг. Эв нэгдлийг хэрхэн бэхжүүлэх вэ?

-Эв нэгдэл бол нэгдүгээрт хувь хүний асуудал. Асуудлыг гишүүдийн саналаар шийдчих юм бол маргаан үүсэхгүй. Гэхдээ шинэчлэлийг хуйвалдаан, хуучин аргаар хийхгүй. Дүрмэндээ салхи оруулах гээд байгаагийн гол шалтгаан энэ шүү дээ. 

Н.Энх