Энэ сарын 16-нд хуралдсан ҮЗХ-ноос АН-ын VI их хурлыг хуралдуулах ажлын хэсгийг байгуулсан. Тус ажлын хэсгийг АН-ын Ерөнхий нарийн бичгийн даргын үүрэг гүйцэтгэгч Д.Эрдэнэбат ахалж буй юм. Тэрбээр өнөөдөр АН-ын VI их хурлын төлөөлөгчдийг сонгох журам батлагдсан талаар мэдээлэл хийлээ.

АН-ын VI их хуралд 1210 төлөөлөгч оролцох юм байна. Төлөөлөгчид АН-ын үзэл баримтлал, Үндсэн дүрмийн шинэчлэлийг хэлэлцэх юм.

Төлөөлөгчдийг сонгох журмын дагуу АН-ын VI их хуралд:

• ҮЗХ-ны гишүүд

• Хяналтын ерөнхий хорооны гишүүд

• Намын дэргэдэх байгууллагуудын төлөөлөл

• НИТХ-д АН-аас сонгогдсон төлөөлөгчид

• Дүүргийн ИТХ-д АН-аас сонгогдсон төлөөлөгчид

• Аймгийн ИТХ-д АН-аас сонгогдсон төлөөлөгчид

• Сумын анхан шатны байгууллагуудаас нэг, нэг  төлөөлөгч оролцоно.

Намын анхан шатны байгууллагууд энэ сарын 26-27-ны хооронд хуралдаж, их хуралд оролцох төлөөлөгчдийг тодруулах юм байна.

Их хурал ирэх арванхоёрдугаар сарын 6-нд болно.

В.Бат