Хүйтний улмаас Нийслэл хотод халтиргаа, гулгаа үүсээд буй. Үүсээд буй нөхцөл байдлыг арилгахаар Нийслэлийн хот тохижилтын ажилчид ажиллаж  байна. Мөн сайн дураараа нэгдсэн залуус цас цэвэрлэх давалгаанд нэгдсээр байгаа юм.

Subaru машин сонирхогч залуус энэ сарын 22-нд явган хүний замын цасыг цэвэрлэж, гурван тонн элс цацсан. Харин өнгөрсөн шөнө “АРС” машин сонирхогч, хэрэглэгчдийн “АРС машин эзэмшигчдийн групп”-ын залуус нэгдэж, Нийслэлийн хүн ам ихтэй газруудын автобусны буудлын мөсийг цэвэрлэжээ.

Тэд 3,4-р хорооллын эцэс болон “Өргөө” кино театрын автобусны буудлыг цасыг цэвэрлэсэн байна. Залуус шөнийн 22.00 цагаас өглөөний 04.00 цаг хүртэл цас цэвэрлэжээ.

Г.Тэгшсүрэн