Эдийн засгийн болон Хуульзүйн байнгын хороо өнөөдөр үдээс хойш хуралдах төлөвлөгөөтэй байлаа. Хамтарсан байнгын хорооны хуралдаанаар Хөгжлийн банкинд хийсэн шалгалтын дүнгийн талаар мэдээлэл сонсох байв.

Харин энэ асуудлаар УИХ дахь АН-ын бүлэг  5 хоногийн завсарлага авсан юм. Учир нь тус бүлгийн гишүүдэд Хөгжлийн банкны шалгалтын дүнтэй холбоотой материалыг ирүүлээгүй байсан байна.  УИХ-ын дэгээр хэлэлцэх асуудлын талаарх материалыг гишүүдэд 3 хоногийн өмнө өгдөг. Гэтэл 3 цагийн өмнө гишүүд холбогдох материал хүргэгджээ. Тиймээс АН-ын бүлэг Хөгжлийн банкинд хийсэн шалгалтын материалтай танилцах үүднээс 5 хоногийн завсарлага авлаа.

Ийнхүү хамтарсан байнгын хорооны хуралдаанаар уг асуудлыг хэлэлцсэнгүй, АН-ын бүлэгт 5 хоногийн завсарлага өгснөөр өндөрлөв.

Н.Энх