Хуульзүйн байнгын хорооны хуралдаанаар Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төслийн анхны хэлэлцүүлгийг хийв.  Уг асуудлыг өмнөх долоо хоногт хийхээр байсан ч төсөлд тодорхой заалт оруулах чиглэлийг ажлын хэсэгт өгсөн юм.

Энэ удаагийн хуралдаанаар мөн л ажлын хэсгийнхэнд гишүүд шүүмжлэлтэй хандаж, Оффшор бүсийн асуудлаар  бие даасан хууль гаргах ёстой гэж Ц.Нямдорж, Т.Аюурсайхан нар үзэж байлаа. Нэг хуудас хуулийн төсөлд хоёр хуудас саналын томъёолол байгаа  байж болохгүй.

Тиймээс уг хуулийн төслийг хууль санаачлагчид нь буцаах санал хураалт явууллаа. Ийнхүү гишүүдийн 80 хувийн саналаар хуулийн төслийг хууль санаачлагачид нь буцаахыг дэмжив. Хуралдааны дэлгэрэнгүй мэдээллийг удахгүй хүргэнэ.

Н.Энх