АН их хуралд ширүүхэн үргэлжилж байгаа юм.  Тус намынхан  Үндсэн дүрмийнхээ хэлэлцүүлгийг  хийж  байгаа юм.

Хуралдааны үеэр УИХ-ын гишүүн Д.Эрдэнэбат хэвлэлийнхэнд өгсөн мэдээлэлдээ “Манай намын гишүүд хуралдаа зангиатай ирдэггүй. Чөлөөтэй ярьдаг, хэлэлцдэг, ардчилалтай нам. Бухимдаж байгаа гишүүдийг ойлгож байна. Гол нь намын дүрмийн шинэтгэл хоёр хоногт хэлэлцээд шийдчих асуудал биш. Нухацтай судалж, ярих ёстой. Тиймээс ирэх гуравдугаар сар хүртэл шинэчлэл  үе шаттай хийгдэнэ. Энэ удаагаар дуусахгүй. Он гаргаад хийх ҮЗХ, Намын их хурлаар ч дахиад ярина.Үүнийг гишүүд ойлгох ёстой” хэмээв.

Одоогийн байдлаар Их хурал түр завсарлаад байна. Төлөөлөгчид үдийн цайндаа орсны дараагаар хурлаа үргэлжлүүлнэ.

Н.Нягт