УИХ-ын чуулганы нэгдсэн хуралдаанаар Хөгжлийн банкинд авах арга хэмжээний талаарх Засгийн газрын тогтоолын төслийг хаалттай хэлэлцэхээр байв.  Учир нь АН-ын бүлгийн дарга С.Эрдэнэ намын даргын сонгуультай учир чөлөө авсан. Түүнийг УИХ-ын гишүүн Б.Пүрэвдорж орлож байгаа юм байна. Тиймээс  гишүүн Б.Пүрэвдорж сөрөг хүчнээс үг хэлэх хүсэлт гаргалаа. Үүнд УИХ-ын дэд дарга Ц.Нямдорж:

-Хожигдож орж ирчихээд битгий бужигнуулаад бай. Чи цагтаа орж ирэх ёстой юм байгаа биз дээ. Өглөө нэг хөл дээрэ босчихоод энд орж ирж бужигнуулахаа боль. АН-ын бүлгийн дарга С.Эрдэнэ намын даргын сонгуультай гээд  чөлөө авсан. Хэн орлож байгаа юм бэ? Тэгээд, яриач чи хэмээн уурсав.

УИХ-ын гишүүн Б.Пүрэвдорж Хөгжлийн банкийг цөөнхийн бүлэг нээлттэй хэлэлцэхийг шаардаж байгаагаа мэдэгдэж, мөн холбогдох материалтай танилцах тул завсарлага авах хүсэлт гаргасан юм.

Н.Нягт