Монгол Улсын Ерөнхий сайд Ж.Эрдэнэбат мэхийн ёсолж, ээжүүдэд хүндэтгэл үзүүллээ. Тэрбээр “Сайхан монгол ээж” эмэгтэйчүүдийн чуулга уулзалтад оролцож, үг хэлэхдээ ийн хүндэтгэл илэрхийллээ.

Ерөнхий сайд Засгийн газраас эхчүүд, эмэгтэйчүүдийн талаар авч хэрэгжүүлж буй бодлогоо танилцуулж,

...Улс орны хөгжлийг түүчээлж, эх орныхоо төлөө эрэлхэг гавьяа байгуулсан хатан зоригт Монгол эмэгтэйчүүдийн баатарлаг үйлсийн тухай түүх өдгөө Монгол угсаатнуудын дунд мөнхрөн үлджээ. Тэдгээр гайхамшигт хатдын үргэлжлэл өнөө цагийн Монгол эмэгтэйчүүд Та бүхэн маань ажиллаж буй салбартаа амжилт бүтээлийг шаглан, эх орныхоо хөгжлийн товчийг зангидан байгаа нь сайшаалтай...

...Улс орны маань ололт амжилт, хөгжил цэцэглэлт, эрдэмтэн мэргэдийн нээлт бүтээл, уран бүтээлчид, тамирчдын маань Олон Улсын тавцанд үзүүлж буй амжилт бүхэн нь хатан ухаант ээжүүд та нарын маань ач гавьяа билээ. Монголынхоо нийт ээжүүд, эмэгтэйчүүд, охид бүсгүйчүүд та бүхэндээ дахин баярын мэнд хүргэж, цаашдынх нь ажил хөдөлмөр тань сүүн цацал мэт өөдөө, ариун байхыг хүсье гэсэн ерөөлийг тавилаа.