Төр, нийгмийн зүтгэлтэн С.Зоригийг хөнөөсөн хэргийн шүүх болж, холбогдох хэрэгтнүүд ял сонсоод байгаа. Үүнтэй холбогдуулан УИХ-ын дэд дарга Ц.Нямдорж сэтгүүлчдэд мэдээлэл хийлээ. Тэрбээр мэдээлэлдээ:

-С.Зоригийн  амь насыг хөнөөсөн хэргээр гурван хүн 24-25 жилийн ялаар шийтгүүлсэн. Шүүх хурлын дараа прокурорууд зарим баримтыг задалж мэдээлэл хийсэн. Үүний дараа би телевизэд  ярилцлага өгсөн. Байдал их ээдрээтэй, эвгүй байгаа учраас хэдийгээр миний хариуцах ажил биш ч гэсэн шүүх, хүний эрх, эрх чөлөө зэрэг олон зүйл хөндөгдөж байгаа учраас мэдээлэл хийж байна. Энэ хэргийг шүүххуралд маш нууцын зэрэглэлтэй хаалттай явагдсан.  Маш нууцын зэрэглэлийн хадалгах хугацаа 25 жил байдаг.  Энэ хэрэгтэй холбоотой асуудлаар надад иргэдээс өргөдөл ирүүлсэн.   Тиймэс би мэдээлэл хийж байна гээд  барим сөхөн ярьсан юм.

Тэрбээр “Ц.Амгаланбаатар анх 2007 онд үерхдэг найз хүүхнээ зодсон хэргээр цагдаад шалгагдан хоригдож байх үедээ “2004 оны 9 дүгээр сард Орхон аймагт Ц.Өлийсайханы амь насыг хохироосон хүнийг танина” багын найз “шнок” хочит Эрдэнэбаатарыг сэжигтнээр татуулан гүтгэж байсан байна. Гэтэл эрүүгийн хэргийг шалгах явцад Ц.Амгаланбаатар нь өөрөө уг хэргийг үйлдсэнийг тогтоогдож, 2009 онд Орхон аймгийн сум дундын шүүхээр цаазаар авах ялаар шийтгүүлжээ. Ерөнхийлөгчийн уучлалаар цаазаар авах ялыг 5 жил гянданд, 20 жил чанга дэглэмтэй хорих ангид эдлүүлэхээр өөрчилсөн байна.

Цаазаар авах ялаар шийтгүүлээд ял эдлэх болсон Ц.Амгаланбаатар 2014 оноос Содномдаржаа руу, 2017 оноос Чимгээ рүү нийтдээ 100 гаруй дарамталсан мессэжийг бичиж байжээ.  2015 оны 5 сарын 13-нд Чимгээгийн хашаан дотор шөнө нь нас барсан хүний цогцос аваачиж тавьсан байна лээ. Чимгээ рүү 9598-.....  гэсэн утаснаас ямар хүн алсанаа мэдэж байгаа биз дээ. Чи, Жаагий /Содномдаржаа/ та хоёр алаа биз дээ. Намайг эргэж ирээд 5 сая төгрөг өг, үгүй бол би дэлгэнэ шүү. Шаазан ваарны үйлдвэрийг санаж байгаа биз дээ. Жаагий та хоёр дээшээ гарсан биз дээ, би орцонд хүн харж байсан биз дээ" гэх зэргээр нийт 102 мессэж бичсэн байна.

Яахаараа ял эдэлж байгаа хүн утастай болчихдог юм, яахаараа Содномдаржаа, Чимгээ нарын утасны дугаарыг мэдэж байдаг юм. Яахаараа энэ шүүх хурлыг хаалттай явуулдаг юм.  Цорын ганц амьд гэрч Б.Булганаар Ц.Амгаланбаатар мөн эсэхийг яагаад асуудаггүй юм. Тэгсэн мөртлөө тэр хүний ам зургаар Ц.Амгаланбаатарыг шийтгээд байдаг.  Хамгийн гол нь захиалагч байхгүй. Захиалгаар алсан гээд байдаг.

Чимгээгийн ээж нь Дорноговь  аймагт 70 гаруй настай хөгшин надад өргөдөл ирүүлэхээр нь би утсаар ярьсан. Өөрөө ярьж чадахгүй “миний охинтой яриарай” гээд утасны дугаарыг нь өгсөн. Чимгээгийн том охин Өнөрцэцэг Сэлэнгэд машинтай явж байгаад нас барсан. Саяхан сайтаар “Ц.Нямдорж Б.Булганыг гадаад  гаргах гэж байна” гэсэн мэдээлэл гарчээ. Би Б.Булганыг ерөөсөө танихгүй. Цаашид захиалагчийг илрүүлнэ гэх нэрийн дор хэчнээн хүний амьдралыг үрэн таран хийх юм хэмээн мэдээлэв. УИХ-ын дэд дарга Ц.Нямдорж мэдээлэл хийснийхээ дараа сэтгүүлчдийн сонирхсон асуултад хариулсан юм. "Нууцын зэрэглэлтэй хэргийн материалыг яагаад олонд дэлгээд байгаа, өмнө нь та өөрөө уг хэргийг илрүүлж болоогүй юм уу" гэсэн асуултад тэрбээр:

"Миний ярьсан зүйл дотор хэргийн баримтаас авсан зүйл байхгүй. Түүнээс өмнөх зүйлийг ярьж байна. Би баримтгүй, хуулийн байгууллага шалгаагүй зүйл яриагүй. С.Зоригийн амийг хөнөөсөн хэргийг илрүүлэхэд дэм болох болов уу гэж бодоод би ХЗДХ-гийн сайд байхдаа "С.Зоригийн амийг хөнөөсөн хэргийн талаарх мэдээллийг 500 сая төгрөгөөр худалдаж авна" гэж Засгийн газрын тогтоол гаргуулж байсан. Үр дүнд хүрээгүй. Өнөөдөр тэр хүмүүст "дээшээ тэнгэр хол, доошоо газар хатуу" болж байна.  Хэрвээ захиалга байгаагүй бол ийм нөхцөл байдалд, хаалттай байдлаар асуудлыг шийдэхгүй. Би прокурорын унаган хүн. 10 жил хэрэг уншсан, хэргийн өнгө, цаад учир, сүлжээ холбоог гадарладаг хүн" хэмээн хариулсан юм.

Н.Энх