Төрийн өмчийн бодлого зохицуулалтын газрын даргын дарга Ц.Ням-Осор  мэдээлэл хийлээ. Тэрбээр "Эрдэнэт” үйлдвэр ХХК-ийн Ерөнхий захирал болон Төлөөлөн Удирдах Зөвлөлийн гишүүдийн цалингийн талаар тайлбар хийж:

-"Эрдэнэт" үйлдвэрийн хуучин захирал /орос, монгол/-ын цалин 20-25 мянган доллар сар бүр авдаг байсан. 2016 оны 12 дугаар сарын 13-нд ирүүлсэн төсөл дээр нэгдүгээр орлогчоор ажиллаж байсан Кутлинтэй байгуулсан гэрээний нөхцөлөөр одоогийн Ерөнхий захиралтай гэрээ байгуулмаар байна гэсэн. Энэ нь Ерөнхий захирлын цалингаар биш нэгдүгээр орлогчийн нөхцөлөөр цалинжих санал ирүүлсэн. Цалингаас гадна 14 зүйлийн нөхцөл байдаг. Энэ нөхцөл дотор нэгдүгээрт 10 мянган доллараар цалинг өгье гэдгийг зөвшөөрсөн нь үнэн. Гэхдээ Ерөнхий захирлын өмнө нь авдгаас  цалингаас хоёр дахин буучихсан, Засгийн газрын тогтоол шийдвэрийн дагуу 10 мянган ам.долларын цалин байж болох юм байна гэж үзсэн.

Хоёрдугаарт жил бүр амралтаа эдлэх үед нь олгох цалинг гурав дахин нэмэгдүүлсэнтэй тэнцэх материаллаг туслалцаа үзүүлье гэсэн. 30 мянган ам.доллар жилд нэг удаа өгөх зүйл байхгүй гэж хэлсэн. Дараа нь эмчилгээний зардал, замын зардал өгнө гэснийг бас өгөхгүй гэж хэлсэн. Уг нь хуучин бүх захирлууд авдаг байсан. 

Жилд нэгээс доошгүй удаа гэр бүлийн хамтаар амралт сувилалд явахад нь тээврийн зардлыг даах саналыг хүлээж аваагүй. Харин компанийн зардлаар автомашин авах хүсэлтийг хүлээж авсан. Энэ бол байдаг зүйл. Эрдэнэт хотод ажиллаж, амьдрах орон сууц өгөхийг зөвшөөрсөн. Гэхдээ хувьд шилжүүлэхийг зөвшөөрөөгүй. Осол, аваарт орсон үед таван сарын цалинтай тэмцэх 750 сая төгрөгийг өгөхийг зөвшөөрөөгүй.

Улаанбаатар хотод 4-5 өрөө байрыг үйлдвэрийн зардлаар авахыг болиулсан. Нэг хүүхдийг гадаадад сургах зардлыг компани даах саналд “үгүй” гэж хэлсэн. Иймэрхүү байдлаар 14 саналаас мөнгөтэй холбоотой нэг, унаа зардал гээд дөрвөн саналыг зөвшөөрч, 10 саналыг зөвшөөрөөгүй. Гэтэл үүнийг буруу тайлбарласан байна. Цалинг бага зэрэг өндрөөр зөвшөөрсөн. Энэ үнэн. Би үүнийг хариуцна гэдгээ хэлж байсан. Өмнөх захирлууд маш их хэмжээний хангамж эдэлдэг байсан ч энэ нь олон улсын гэрээний дагуу нууц байсан хэмээн мэдээлэв.

Н.Нягт