Сонгуулийн ерөнхий хороо МАХН-ын дарга Н.Энхбаярыг Ерөнхийлөгчид нэр дэвшигчээр бүртгэхээс татгалзсан шийдвэр гаргасан. Ингэснээр МАХН энэ сарын 17-ны дотор дараагийн нэр дэвшигчээ тодруулж бүртгүүлэх шаардлагатай болсон юм.

 МАХН-ын Бага хурал өчигдөр хуралдаж, 2017 оны Ерөнхийлөгчийн сонгуульд С.Ганбаатарыг дэвшүүлэхээр болсон. Хуулийн дагуу нэр дэвшигчдийг Сонгуулийн ерөнхий хороо /СЕХ/-нд өчигдөр /2017.05.16/ 24:00 цагаас өмнө бүртгүүлэх хугацаа байсан.  МАХН өчигдөр 23:30 цагийн үед нэр дэвшигч С.Ганбаатарыг СЕХ-нд бүртгүүлэхээр баримт бичгээ хүлээлгэн өгчээ.

СЕХ нэр дэвшигчийн материалтай танилцаж, ажлын гурав хоногийн дотор нэр дэвшигчээр бүртгэх эсэхээ шийдвэрлэх юм.

Г.Тэгшсүрэн