УИХ-ын гишүүн О.Баасанхүү сүүлийн үед ангийнхантайгаа "кноп"-ны маргаан үүсгээд байгаа. Санал хураалтын үед кноп дарах хугацаа 10 секунд байдаг дэгтэй. Харин үүнийг 2 секунд болгох саналыг гишүүн О.Баасанхүү эрх баригчдад тавиад байгаа юм. Учир нь гишүүд чуулганы хуралдаанд ирээгүй нэгнийхээ өмнөөс кноп дарж, асуудлыг шийдэж байгаад тэрбээр шүүмжлэлтэй хандаж байгаа юм. 

Уг нь ч 2 секунд биш юм гэхэд санал хураах хугацааг 5 секунд болгоход гишүүд хэн нэгнийхээ өмнөөс кнопыг нь дарж, саналыг нь хуваалцах асуудал бага боловч хумигдах байсан юм. Гэвч эрхэм гишүүн О.Баасанхүү энэ саналаа ажил хэрэг болгон төсөл боловсруулж өргөн барилгүй, чуулганы бүр дээр үг хэлэх болгондоо ярьсаар байгаад хүчийг нь сулруулсан. 

Тэр байтугай "О.Баасанхүү хэлэлцэж байгаа асуудлыг биш  МАН, АН хоёрын дотоод асуудалд хэтэрхий орж, үг хэлэх болгондоо өөр сэдэв хөндөж байна. Бид чамайг эзгүйд танай намын тухай ярьдаггүй шүү. Нэг хүн хэтэрхий эрхлэвэл тэнэг болдог гэдэг, цаашид анхаарай хэмээн  ангийнхнаасаа зэм хүртсэн. 

Н.Нягт