“Чөлөөт, хараат бус хэвлэл мэдээллийн ардчилал дахь үнэ цэнэ” ардчиллын чуулганд  УИХ-ын гишүүн Л.Болд үг хэллээ. Тэрбээр энэ үеэр өөрийн эзэмшлийн бүх хэвлэл мэдээллийн хэрэгслээсээ татгалзаж байгаагаа мэдэгдлээ. Энэ нь түүний хэвлэлийн эрх чөлөөнд оруулж буй хувь нэмэр аж.

Л.Болд “Хэвлэл мэдээллийн байгууллагуудын ард дандаа нууц эзэд байна. Энэ салбар бүхэлдээ “оффшор ертөнц” болсон. Энэ байдлыг зогсоох ёстой. Үүнийг зогсоохын тулд би өөрөөс эхэлнэ. Би политик.мн сайт, Өглөөний сонингоосоо татгалзлаа. Мөн хэд хэдэн радио, телевизийг худалдан авах хэлэлцээр хийж байсан бүгдийг нь зогсооно” гэв.