МАН, МАХН-ын төлөөлөл СЕХ-нд ирж, ирцийг мэдээлж буй үйл явцтай танилцлаа. МАН-аас Хуульзүйн сайд С.Бямбацогт, УИХ-ын гишүүн Ө.Энхтүвшин нар СЕХ-нд ирсэн бол МАХН-аас тус намын Ерөнхий нарийн бичгийн дарга Э.Эрдэнэжамъян, нарийн бичгийн дарга Д.Тулга, Сонгуулийн штабын дарга Ц.Оюунбаатар нар ирсэн байлаа.

Засгийн газрын хэрэг эрхлэх газрын дарга Ж.Мөнхбат “СЕХ ямар хэсгийн хороодын мэдээ ирээгүй байгаа талаарх мэдээллийг улс төрийн намуудад гаргаж өглөө. Одоогоор 70 орчим хэсгийн хорооны мэдээлэл ирээгүй байна. Одоогийн мэдээллээр 50+1 хувь хүрэхгүй, сонгуулийн хоёр дахь үе гарах нь тодорхой болж байна” гэсэн байр суурийг илэрхийллээ.