УИХ-ын чуулганы нэгдсэн хуралдаанаар  Ерөнхий сайд эдийн засгийн өнөөгийн байдлын талаар мэдээлэл хийлээ.  Ерөнхий сайдыг мэдээлэл хийсний дараа гишүүд асуулт тавьж хариулт авч байна. УИХ дахь АН-ын бүлгийн дарга Д.Эрдэнэбат “"Рио тинто" том орд олсон эсэх, Хөгжлийн банкны үйл ажиллагааг идэвхжүүлэх талаар, гишүүн О.Баасанхүү хөтөлбөрт хамрагдаад 3 тэрбум ам.доллар нь орж ирсэн эсэхийг, гишүүн А.Амарзаяа  1072 хувьцааны ногдол ашгийг иргэдэд хэзээ хүртээхийг тус тус  тодрууллаа.   Үүнд   Ерөнхий сайд Ж.Эрдэнэбат:

-"Рио тинто" дээр том орд олдсон гэх мэдээлэл надад  ирээгүй. Хөгжлийн банкийг дахин шинээр байгуулах хэрэгтэй. Өмнө нь та бүхэн зээл авчихсан. Дахиж зээл авах бололцоогүй.

Гурван тэрбум ам.долларыг аваагүй байгаа. Гурван жилийн хугацаанд авах юм. Энэ нь арилжааны зээл биш. Зээл өгч байгаа санхүүжүүлэгч байгууллага нь хяналт тавина. Засгийн газар дураараа зарцуулж болохгүй. Өр төлөх эх үүсвэрийг ирээдүйдээ бий болгоно. Ойрын хугацаанд төлөх ёстой өр нь Чингис бондын 500 сая ам.долларын өр байгаа.

Тавантолгой компани ашигтай ажиллаж байгаа.   “Тавантолгой” компаниас энэ ондоо багтааж иргэддээ ногдол ашиг хуваарилах бололцоо бүрдэнэ хэмээн хариулсан юм.

ЗГХЭГ-ын дарга Ж.Мөнхбат:

-Сүүлийн үед баян айлын эрх хүүхэд шиг эдийн засгаар тоглож,самарсан хүмүүсийн өрийг Монголын ард түмэн нуруун дээрээ үүрэн төлж байна. Үүний горыг Монголын ард түмэн амсана гэж байсан яг л хэлснээр болсон хэмээв.

Чуулганы хуралдаан үргэлжилж байна. 

Н.Энх