УИХ дахь МАН-ын бүлгийн хуралдаан эхэллээ. УИХ-ын 65 гишүүнийг багтаасан тус бүлэгт хэлэлцэх асуудал цөөнгүй бий. Тэр дунд Ерөнхий сайд Ж.Эрдэнэбатыг огцруулах МАН-ын 30 гишүүний санал, Шадар сайдын албанаас чөлөөлөгдөх У.Хүрэлсүхийн хүсэлт олны анхаарлыг татаж байна. Гишүүд хэлэлцэх асуудлын талаар байр суурь илэрхийлэхээс татгалзсан ч бүлгийн хуралдаан ширүүхэн болох нь ойлгомжтой.

Танхимын нэг, хоёрдугаар хүний тааламжгүй харилцаа энэ Засгийн газрыг унагахад хүргээд буй. МАН-ын гишүүд ч хоёр хуваагдан, Засгийн газрыг огцруулах, эс огцруулах саналаа хэлж буй. Харин АН-ын бүлэг энэ асуудалд хөндлөнгийн байр сууринаас хандана гэдгээ мэдэгдээд байгаа юм.

В.Бат