Ардчилсан намын бүлгээс УИХ-ын дарга М.Энхболдод албан бичиг илгээлээ. Тус бүлгээс УИХ-ын ээлжит бус чуулганыг ойрын хугацаанд яаралтай хуралдуулах шаардлагатай хэмээн УИХ-ын даргад хандлаа. Улс төр болоод нийгмийн олон асуудал хүлээгдэж буй учраас ээлжит бус чуулган зарлаж шийдвэрлэх ёстой хэмээн үзсэн байна. Тухайлбал, 9, 10 дугаар сарын хүүхдийн мөнгөнд 110 тэрбум төгрөг шаардлагатай ч эх үүсвэрийг шийдээгүй учраас  олгогдохгүй байх эрсдэл үүсээд буй аж. Тиймээс төсөвт тодотгол хийх замаар асуудлыг шийдэх ёстой гэжээ. Мөн өвөлжилтийн бэлтгэл хангахад чуулганы хуралдаанаар хэлэлцэж шийдэх асуудал цөөнгүй байна хэмээн ээлжит бус чуулганыг зарлан хуралдуулахыг хүслээ.

В.Бат