Хөгжлийн банк, Дэлхийн банктай хамтрах санамж бичиг байгуулав.

Хөгжлийн банк болон Дэлхийн банкны Экспортыг дэмжих төслийг хэрэгжүүлэх нэгж хооронд хамтын ажиллагааны харилцан ойлголцлын санамж бичигт гарын үсэг зурлаа.

Засгийн газар, Дэлхийн банкны хамтран хэрэгжүүлж буй Экспортыг дэмжих төслийн хүрээнд жижиг, дунд аж ахуйн нэгжүүдэд гадаад худалдааны мэдлэг олгох, шаардлага хангасан байгууллагуудад 100 мянга хүртэлх ам.долларын санхүүгийн буцалтгүй тусламж олгох ажлыг хийж буй.

Энэ хүрээнд Хөгжлийн банктай өнөөдөр санамж бичиг байгуулав. Хоёр тал уул уурхайгаас бусад жижиг дунд үйлдвэрлэл эрхлэгчдийн гадаад худалдаа, санхүүгийн мэдлэгийг дээшлүүлэх, сурталчилгаа хийх зэрэгт хамтран ажиллах юм байна.