“Улаанбаатар-Бээжин” чиглэлийн 24 дүгээр галт тэрэгний дизель хөдөлгүүрийн агааржуулалтын хоолойд хилээр гаргахыг хориглосон эд зүйл нууж хил давуулах гэж байгаад баригдсан хэрэг өнгөрөгч долоо хоногт гарчээ.

Нуусан зүйлсэд бугын чив 395 грамм, бугын цусан эвэр 2955 гр, бугын сүүл хоёр ширхэг, 116 кг дэрэвгэр жиргэрүү эмийн ургамал байжээ. Дархан-Уул аймгийн харьяат 33 настай эрэгтэй И, Баянзүрх дүүргийн X  хороонд суух 42 настай эрэгтэй Б нар эдгээр зүйлийг хилээр хууль бусаар нэвтрүүлэхийг завдсан аж. Энэ хэргийг Төмөр замын Цагдаагийн газар нарийвчлан шалгаж байгаа аж.

Р.Дулам