НӨАТ-ын сугалааны тохирлоор 100 сая, 20 сая, 4 сая төгрөг хожсон азтануудад өнөөдөр батламж гардууллаа. Сугалааны 100 сая төгрөгийг Баянзүрх дүүргийн иргэн Х.Батдулам хожжээ.

Тэрбээр “Вива сити хороололд байрлах “Макото” дэлгүүрээс 15 мянган төгрөгийн худалдан авалт хийж азтан болсон. ebarimt.mn-д бүртгэлтэй утасны дугаарлуу баяр хүргэе та азтан боллоо гэсэн мессеж ирсэн. Ороод хартал 100 сая төгрөгийн азтан болсон байсан эхэндээ өөртөө сайн итгээгүй олон дахин нягталж харсан шүү. 

Охиноо хараад гэртээ байдаг миний хувьд сэтгэгдэл маш өндөр байна. Ebarimt сугалаанд итгэдэггүй байсан хожоод өөрийн биеэр мэдэрлээ. Шагналын мөнгөө юунд зарцуулахаа хараахан төлөвлөж амжаагүй байна”хэмээн сэтгэгдлээ хуваалцлаа. 

Б.Энэрэл