Ерөнхий сайд У.Хүрэлсүх Засгийн газрын гишүүдийн нэрийг УИХ-д өргөн барилаа. У.Хүрэлсүхийн танхимдаа бүхэлдээ пардаментаас бүрдэж буй. Харин энэ бүтцийг Ерөнхийлөгч болоод АН-ын бүлгээс эсэргүүцэж, Үндсэн хуулийн суурь зарчмуудыг зөрчсөн хэмээн үзэж буй. Мөн Ерөнхийлөгч Х.Баттулга Сангийн сайдад нэр дэвшигч, УИХ-ын гишүүн Ч.Хүрэлбаатарыг дэмжих боломжгүй гэдгээ илэрхийлээд буй юм.

Гэвч Ерөнхий сайд У.Хүрэлсүх Засгийн газрын гишүүдэд нэр дэвшигчдэд өөрчлөлт оруулалгүй УИХ-д өргөн мэдүүллээ.

У.Хүрэлсүхийн Засгийн газрын бүрэлдэхүүн:

• Өлзийсайханы Энхтүвшинг Засгийн газрын гишүүн, Монгол Улсын Шадар сайдад

• Гомбожавын Занданшатарыг Засгийн газрын гишүүн, Монгол Улсын сайд, Засгийн газрын Хэрэг эрхлэх газрын даргад

• Намсрайн Цэрэнбатыг Засгийн газрын гишүүн, Байгаль орчин, аялал жуулчлалын сайдад

• Нямаагийн Энхболдыг Засгийн газрын гишүүн, Батлан хамгаалахын сайдад

• Дамдины Цогтбаатарыг Засгийн газрын гишүүн, Гадаад харилцааны сайдад

• Чимэдийн Хүрэлбаатарыг Засгийн газрын гишүүн, Сангийн сайдад

• Содномын Чинзоригийг Засгийн газрын гишүүн, Хөдөлмөр, нийгмийн хамгааллын сайдад

• Цэндийн Нямдоржийг Засгийн газрын гишүүн, Хууль зүй, дотоод хэргийн сайдад

• Хавдисламын Баделханыг Засгийн газрын гишүүн, Барилга, хот байгуулалтын сайдад

• Цэдэнбалын Цогзолмааг Засгийн газрын гишүүн, Боловсрол, соёл, шинжлэх ухаан, спортын сайдад

• Жадамбын Бат-Эрдэнийг Засгийн газрын гишүүн, Зам, тээврийн хөгжлийн сайдад

• Долгорсүрэнгийн Сумъяабазарыг Засгийн газрын гишүүн, Уул уурхай, хүнд үйлдвэрийн сайдад

• Батжаргалын Батзоригийг Засгийн газрын гишүүн, Хүнс, хөдөө аж ахуй, хөнгөн үйлдвэрийн сайдад

• Цэрэнпилийн Даваасүрэнг Засгийн газрын гишүүн, Эрчим хүчний сайдад

• Даваажанцангийн Сарангэрэлийг Засгийн газрын гишүүн, Эрүүл мэндийн сайдад нэр дэвшүүллээ. 

В.Бат