УИХ-ын чуулганы хуралдаанаар Сангийн сайдаар Ч.Хүрэлбаатарыг томилох асуудлыг хэлэлцэж байна. Хэлэлцэж байгаа асуудалтай холбогдуулан гишүүдийн асуултад нэр дэвшигч хариулж байгаа юм.

УИХ дахь АН-ын бүлгийн дарга Д.Эрдэнэбат:

-Та “Оюутолгой”-н гэрээг батлуулахад байлцсан уу. Яагаад  алтыг Монголбанкаар дамжуулах шийдвэрийг буцаасан бэ? Төсвийн тодотголд өөрчлөлт хийх үү?

-Би “Оюутолгой”-н гэрээнд оролцоогүй, батлаагүй. Би тэр үед Засгийн газрын гишүүн байгаагүй. “Оюутолгой”-н гэрээнд  тухайн үед С.Баярцогт, Д.Зоригт, Л.Гансүх нар гарын үсэг зурсан. Би өөрийнхөө хийсэн гэрээг муутгах хүн биш. Ер нь “Оюутолгой”-н гэрээг байнга сайжруулах хэрэгтэй.

Монголбанкаар алтыг дамжуулахааргүй болсон асуудлыг Төсвийн байнгын хороогоор хэлэлцүүлэн шийдэхийг УИХ дахь МАН-ын бүлэг шаардсан. Учир нь ОУВС-гийн хөтөлбөр гацаанд орчихсон юм. Тиймээс тухайн үедээ би асуудлыг өөр дээрээ авч, шийдвэрлэсэн.   Төсвийн тодотголд засч, залруулах зүйл их байгаа. 

Ийнхүү гишүүд асуулт тавьж, үг хэлсний дараагаар санал хураалт явууллаа. Гишүүдийн олонхийн саналаар Ч.Хүрэлбаатарыг Сангийн сайдаар томилов. 

Н.Энх