Дэлхийн Банк 2018 онд түүхий эдийн үнэ цаашид өсөх хандлагатай байна гэсэн таамгийг дэвшүүллээ.  Газрын тосны үнэ 2017 онд дунджаар нэг баррель нь 53 ам. доллар байсан бол 2018 онд дундажаар 56 ам. долларт хүрэх төлөвтэй байна.

Металын үнэ ирэх жил тогтвортой байх төсөөлөлтэй байгаа бол газрын тосны эрэлт тогтвортой нэмэгдэн, экспортлогчид тохиролцон үйлдвэрлэлээ бууруулсан, АНУ-ын шатдаг занарын үйлдвэрлэл тогтворжсон зэргийн улмаас газрын тосны үнэ энэ жил нэг баррель нь 53 доллоараас 2018 онд 56 доллар болж өсөх төлөвтэй байна гэж Дэлхийн Банкнаас мэдэгдлээ.

Газрын тос, байгалийн хий, нүүрс гэх мэт эрчим хүчний түүхий эдийн үнэ энэ жил 28 хувиар огцом өссөний дараа 2018 онд 4 хувиаар өсөх төлөвтэй байна хэмээн Дэлхийн Банкны 10 дугаар сарын “Түүхий эдийн зах зээлийн тойм” тайланд  дурджээ.

2018 онд байгалийн хийн үнэ 3 хувиар өсөх төлөвтэй байгаа бол 2017 онд нүүрсний үнэ бараг 30 хувиар өссөний дараа эргэж буухаар байна. Хятадын байгаль орчны бодлого нь нүүрсний зах зээлийн ирээдүйн чиг хандлагыг тодорхойлох гол хүчин зүйл болох төлөвтэй хэмээн Дэлхийн Банкны Түүхий эдийн зах зээлийн тоймд дурдсан байна. 

Б.Энэрэл