МАН-ын XXVIII их хурал үргэлжилж байна. Хурлын 1309 төлөөлөгч өнөөдөр МАН-ын шинэ даргыг сонгоно. Одоогоор МАН-ын даргад Ерөнхий сайд У.Хүрэлсүх, УИХ-ын гишүүн Д.Хаянхярваа, МАН-ын Бага хурлын гишүүн Н.Дэмбэрэл, “Exclusive” компанийн захирал Г.Майцэцэг нар нэр дэвшихээ мэдэгдсэн. Харин Г.Майцэцэг нэр дэвших боломжгүй болсон бололтой. Тэрбээр намын даргад Ерөнхий сайд У.Хүрэлсүхийг дэмжихээ илэрхийллээ. Г.Майцэцэг “Би Ерөнхий сайд У.Хүрэлсүхийг намын дарга болоосой гэж хүсч байна” хэмээн ярилаа.

Танхимын уур амьсгал бүхэлдээ намын даргад Ерөнхий сайд У.Хүрэлсүхийг дэмжинэ гэсэн өнгө аястай байна. Зарим аймгийн  хувьд 100 хувь Ерөнхий сайдыг дэмжихээ илэрхийлж үгээ хэлж байна. Тухайлбал Увс, Баян-Өлгийн аймгаас ирсэн төлөөлөгчид засаг төр тогтвортой байх ёстой гэж үзэн Ерөнхий сайд У.Хүрэлсүхийг дэмжихээ илэрхийллээ. 

Б.Энэрэл