УИХ дахь АН-ын бүлэг мэдээлэл хийлээ. УИХ дахь АН-ын бүлгийн дарга Д.Эрдэнэбат:

-АН-ын бүлэг Засаг захиргаа, нутаг дэвсгэрийн хуулиар завсарлага авсан. Энэ хуулинд “Аймаг, нийслэл, сум дүүргийн хурлын төлөөлөгчдийн 3/1-ээс доошгүй хувь нь төрийн захиргааны албан хаагчаар ажиллаж болно” гэсэн. Энэ нь Үндсэн хууль, Сонгуулийн хууль зэрэг холбогдох хуулийг зөрчсөн заалт. ИТХ нь улс төрийн нам эвслийг төлөөлөн тухайн орон нутагт сонгогдож, өөрийн нам эвслээ төлөөлж улс төрийн үйл ажиллагаанд оролцдог. Төрийн албан хаагч аль нэг улс төрийн хүчний төлөөлдөггүй. Энэ хууль орж ирснээсээ нийтдээ 39 заалтыг зөрчиж байна. Өнөөдрийн мөрдөгдөж байгаа хуулиар нийтдээ 7240 иргэдийн төлөөлөгчдийн хурлын төлөөлөгчийн 30 хувийг төрийн захиргаанд оруулж аж. Өнөөдрийн хуулийг зөрчсөн 60 гаруй иргэдийн хурлын төлөөлөгч төрийн албанд давхар ажиллаж байна. Эд нарын төлөө 60 хүнд үйлчилсэн хууль оруулж ирж байгаа нь хариуцлагагүй үйлдэл. Тиймээс бид мэргэжлийн эрдэмтэн судлаачидтай хамтарч хэлэлцэх зайлшгүй шаардлага үүсч байна.

Банкны тухай хуулийг Засгийн газар яаравчлан оруулж ирсэн. Үүнд “зээлийн хүүгийн дээд хязгаарыг Монголбанк тогтооно” гэсэн нь зах зээлийн зарчмаа алдаж, төр бизнест хэтэрхий оролцож байна. Банк, санхүүгийн системийн эрхзүйн орчныг зайлшгүй сайжруулах шаардлагатай гэж үзэж байгаа бол ОУВС-гийн шинжээчдийн дүгнэлтийг оруулж ирж хэлэлцэх ёстой. Өнөөдөр Хөрөнгө оруулалтын, Банкны тухай, Төв банкны тухай гэсэн гурван хуулийг УИХ хэлэлцэж байна. Үүнийг нэгтгэж хэлэлцэх хэрэгтэй. Мөн бид Нийтийн сонсгол явуулах нь зүйтэй гэж үзсэн хэмээлээ.

УИХ-ын гишүүн З.Нарантуяа:

-Банк, санхүүгийн эрхзүйн орчинг сайжруулах, хүүг бууруулах шаардлага байгаа. Гэхдээ бид хэд хэдэн зүйлийг анхаарах хэрэгтэй байна. Төв банкны хуулийн төслийн хэлэлцэх эсэхийг шийднэ. Үүнд хараат бус байдал, Удирдах зөвлөлийн бүрэлдэхүүн зэргийг шинэчлэх шаардлага  байгаа. Банкны тухай хуулиар өнөөдрийн үйл ажиллагааг алдагдуулах, харилцагчдын итгэлийг алдах вий гэсэн болгоомжлол байгаа. Зээлийг барьцаа шаардахгүй олгодог байх эрхзүйн орчин бий ч өнөөдөр банкууд барьцаа шаардаж байгаа. Тиймээс энэ хуулийг эргэж харах хэрэгтэй. ОУВС-гаас акив хийж байна. Энэ арга хэмжээний эцсийн үр дүнг үзээгүй байж бүх банкны  өөрийн хөрөнгийг 100 тэрбум болгох шийдвэр гаргажээ. Сүүлийн үед төв банкнаас шууд захиргаад шийдвэр гаргаж байна. Хууль батлагдсанаар ямар үр дүн гарах талаар бас байхгүй байгаа. Банкны зээлд өөрийн хөрөнгийн хэмжээ тавигдаад ирвэл гадаад, дотоодын хөрөнгө оруулагчид шаардлагатай болно. Хэрвээ өөрийн хөрөнгө нь шаардлагад хүрэхгүй байна гэвэл банкны салбарт итгэх итгэл алдагдана шүү. Банкуудын байдлыг ил тод зарлахгүй байх гэж Монгол банкны удирдлагад найдаж байна.

УИХ-ын гишүүн Ж.Батзандан:

-Б.Хурцыг өмнөд Солонгост Элчин сайдаар томилох талаар нийтийн сонсгол хийх талаар 21 гишүүн гарын үсэг зурж, өргөн барьсан. АН-ын бүлэг энэ асуудлаар хэлэлцээд, Б.Хурцтай холбоотой асуудлаар нийтийн сонсгол хийх нь зөв гэж үзсэн. Нийтийн сонсгол гэдэг институци барууны оронд олон жил хэрэгжиж байгаа. Миний хувьд томилгооны сонсгол хийх санал гаргасныг АН-ын бүлэг дэмжсэн.

Тэд мэдээлэл хийснийхээ дараа сэтгүүлчдийн сонирхсон асуултад хариуллаа.

-Д.Эрдэнэбат гишүүний өрөөнд камер байдаг уу. “2020 онд нэр дэвшинэ. Дэмжээрэй гэж Д.Эрдэнэбат гишүүнд хэлсэн үү?  Тайлбар нь өөр өөр яваад байна.

-Сүүлийн үед олон нийтийн анхаарлын төвд байна. Миний өрөөнд болсон асуудлаар хууль хяналтын байгууллагад шалгагдаж байгаа. Гэрчийн мэдүүлэг надаас авсан. Одоо нийгэмд элдэв янзын асуудлаар ярих хэрэггүй.

Н.Энх