Тагнуулын Ерөнхий газрын дарга асан Б.Хурцыг БНСУ-д суух Элчин сайдаар томилохтой зэрэгцэн Төрийн ордонд түүнтэй холбоотой нээлттэй хэлэлцүүлэг болсон. Хэлэлцүүлгээс гаргасан санал дүгнэлтийг Ерөнхийлөгч, УИХ-ын дарга, гишүүдэд хүргүүлсэн байна.

УИХ-ын гишүүн Ж.Батзандан, Л.Болд нарын санаачилсан энэ хэлэлцүүлгийн үеэр Б.Хурцыг хүний эрхийн зөрчсөн, эрх мэдлээ хэтрүүлэн ашигласан гэх үндэслэлээр оролцогчид буруутгаж байв. Тухайлбал, Д.Энхбат болон С.Зоригийг хөнөөсөн хэргээр ял эдэлж буй Т.Чимгээ, Б.Содномдаржаа нарын гэр бүл оролцож, хэрхэн хохирсон тухайгаа ярьсан юм. 

Хэлэлцүүлэгт УИХ-ын гишүүн Ц.Нямдорж, Л.Оюун-Эрдэнэ, М.Оюунчимэг, А.Сүхбат нар оролцож, Б.Хурцын томилгоог эсэргүүцэж буйгаа илэрхийлсэн билээ.

Б.Энэрэл