Ардчилсан намаас энэ сарын 03-нд УИХ-ын дарга М.Энхболд, Ерөнхий сайд У.Хүрэлсүх нарт нэмэгдсэн татваруудыг цуцлуулах талаар  хугацаатай шаардлага хүргүүлсэн. Гэвч Засгийн газар өнөөдрийг хүртэл ганц ч дорвитой алхам хийгээгүй, шаардлагад хариу өгөөгүй. Харин ч бүр шаардлага хүргүүлснээс хойш буюу энэ сарын дундаас эхлэн шатахууны үнэ өсч, зохиомол хомсдол бий болж, өргөн хэрэглээний бараа бүтээгдэхүүний үнэ нэмэгдэж байна.

Тиймээс өнөөдөр УИХ дахь Ардчилсан намын бүлгээс Ерөнхий сайд У.Хүрэлсүхэд тооцоо судалгаагүй олон төрлийн татвар нэмсэн асуудлаа дахин судалж, татвар нэмсэн хуулиудаа цуцлах тухай хуулийн төслийг 2018 оны хоёрдугаар сарын 01-ний дотор нэн яаралтай УИХ-аар хэлэлцүүлэхийг шаардлаа. Үнийн тогтвортой байдлыг хангаж, ард түмний дунд үүсээд байгаа бухимдлыг намжаах талаар шуурхай арга хэмжээ авахгүй бол Засгийн газрыг огцруулах асуудлыг тавих болно гэдгийг мэдэгдлээ.