Монголчууд шинийн 15-ны дотор багтан гарч буй жилийнхээ заслыг хийлгэн, ном хуруулдаг уламжлалтай. Бурханы гэгээний эл өлзий дэмбэрэлт өдрүүдэд ерөөл тавьж, ном хуруулан, буян хурааваас жирийн өдрүүдээс буян нь үлэмж их арвижих болно гэдэг.

Тиймээс нийслэл хотын ихэнх гандан хийдүүд Шороон нохой жилийн битүүний өдрөөс эхлэн хурал ном унших цагийн хуваарийг нарийвчлан гаргаад байна. 

Бурхан шашны төв Гандантэгчинлэн, Дашчойлон  хийд  Монголынхоо нийт ард иргэдэд зориулан айлчлан ирж буй тийн унжлагат хэмээх шороон нохой жилийн хурал ном, ерөөл айлдварууд, заслын номуудыг уншиж эхлээд байна.