Нийслэлийн бүх дүүрэгт өнөөдрөөс /2018.03.01/ эхлэн хоёр, дөрөв, есөн сартай хүүхдүүдэд уушгины хатгалгаа үүсгэдэг 13 хэв шинжийн үүсгэгчийн эсрэг вакциныг хийж эхэллээ.

Уг вакцинжуулалтын санхүүжилтыг Эрүүл мэндийн сайдын багцаас гаргах бөгөөд вакцин, дагалдах хэрэгсэлд нэг тэрбум төгрөг зарцуулах юм байна.

Уушгины хатгалгааны эсрэг вакциныг 2016 онд 39900, 2017 онд 48000 хүүхдэд хийжээ.  Үүний үр дүнд дархлаажуулалтад хамрагдсан хүүхдүүдийн дунд хатгалгааны өвчлөл 40 орчим хувиар буурсан судалгааг холбогдох албаныхан гаргасан байна.