УИХ-ын хаврын чуулган энэ сарын 5-нд нээгдэнэ. Харин баасан гаригийн УИХ-ын чуулганы нэгдсэн хуралдаанд Ерөнхий сайд У.Хүрэлсүх "Эрүүл мэндийн тусламж, үйлчилгээ-Бүх нийтийн хамралт" сэдвээр мэдээлэл хийнэ.

Иргэдийн эрүүл мэндийн даатгалд хамрагдалт 2011 онд 98.6 хувь байсан бол сүүлийн таван жилийн дундажаар 95.4 болжээ. Энэ нь эмзэг бүлгийнхэнд эрүүл мэнд болон эмнэлгийн үйлчилгээний хүртээмж хязгаарлагдмал байгааг харуулж буй юм. Тиймээс эрүүл мэндийн үйлчилгээг тэгш хүргэхэд анхаарах шаардлага байгааг Ерөнхий сайдын мэдээлэлд дурджээ.

Дашрамд дурдахад “Монгол Улсын тогтвортой хөгжлийн үзэл баримтлал-2030”-д монгол хүний дундаж наслалтыг 78-д хүргэх зорилтыг тусгажээ.

Ерөнхий сайдын мэдээллийн дэлгэрэнгүйг энд дарж үзнэ үү.

Б.Учрал