Улаанбаатар хотын төвлөрлийг сааруулах, замын түгжрэлийг багасгах үүднээс томоохон худалдааны төвүүдийг хотоос гаргах асуудал яригдаж буй. Авто машины захуудыг эхнээс нь Авто худалдааны төв рүү шилжүүлж байна.

Дараагийн ээлжинд 100 айлд байрлах барилгын материалын дэлгүүрүүдийг нүүлгэн шилжүүлэх асуудал яригдаж эхэллээ. Уг ажлыг хэрхэн зохион байгуулах талаар ажлын хэсэг байгуулан ажиллаж байгаа. Ажлын хэсгийн ахлагч, НИТХ-ын төлөөлөгч Ч.Гантулга барилгын материалын бизнес эрхлэгч иргэдтэйтэй уулзалт хийж байна.