УИХ дахь МАН-ын бүлгийн хурал өндөрлөлөө. Хуралдаанаар хэлэлцсэн асуудлын талаар УИХ дахь МАН-ын бүлгийн дарга Д.Хаянхярваа мэдээлэл хийлээ. Тэрбээр:
-Манай бүлгийн хуралдаанаар "Тавантолгой"-н төслийг хэлэлцлээ. Энэ төсөл дээр дахиад хэд хэдэн удаа ажиллаж, тооцоо судалгааг нь гаргаж танилцсаны дараа шийдвэрээ гаргая гэсэн байр суурьт хүрлээ. "Тавантолгой"-н төслийн 30 хувьд олон улсын зах зээлд IPO гаргах нь зүйтэй гэж үзлээ. МАН-ын бүлэг "Тавантолгой"-н төслийг хөдөлгөх чиглэлд улс төрийн тодорхой шийдэл гаргаж ажиллахаар шийдсэн. Засгийн газар бүх зүйлээ боловсруулан оруулж ирж, танилцуулах ёстой хэмээлээ. УИХ дахь МАН-ын бүлгийн дарга Д.Хаянхярваа мэдээлэл хийснийхээ дараа сэтгүүлчдийн асуултад хариулав.
-"Тавантолгой"-н төслөөс хэдий хэмжээний орлого орно гэж тооцсон бэ?
-Энэ удаад "Тавантолгой"-н асуудлаар ямар нэг тооцоо судалгаа ярих боломжгүй. Тооцоо, судалгаагаа нарийвчлан үзэх хэрэгтэй байна
-Бүлгийн хуралдаанаар ҮХЦ-ийн гишүүнд нэр дэвшүүлэх асуудлыг хэлэлцсэн үү?
-ҮХЦ-ийн гишүүнд нэр дэвшигчийн асуудлыг ярьсан. Ерөнхийлөгч болон УИХ-аас оруулж ирж байгаа нэр дэвшигчийг МАН-ын бүлэг дэмжих шийдвэр гаргасан.
-Ерөнхийлөгч болон УИХ-аас ҮХЦ-ийн гишүүнд хэн хэний нэрийг оруулж ирж байгаа бол?
-Ерөнхийлөгчийн зүгээс ШШГЕГ-ийн дэд дарга н.Туулхүү, ТӨХ-ны дарга асан н.Нанзаддорж мөн Буяндэлгэр гэсэн гурван хүний нэрийг дэвшүүлснийг МАН-ын бүлэг дэмжих шийдвэрийг гаргасан.
Н.Энх
Уншиж байна |