Өнөөдөр /2018.06.02/ Улаанбаатар хотод бага зэргийн бороо орно гэж Цаг агаарын байгууллагаас мэдээлж байна.

Хэн бүхний эрхгүй хүсэн хүлээсэн бороо асгартал ороосой. Хэд хоногоор зүсэрсэн ч яахав. Тал нутгийн ган тайлагдаж, шороон хуй дарагдана.

Нар салхинд борлосон хэдэн малчид гандаагаа тайлагдтал дан тэрлэгтэй малынхаа араас дарцаглана. Эмээлтэй морь уяан дээрээ эрэгцэж, ээж зуухны дэргэд юу ч юм буцалгаад, ишгэнд явсан хүүхдүүд хөл нүцгэн гүйлдсээр ирнэ. Хаа нэгтээ цахилгаан цохиж, тэнгэрийн дуу хол нэг ойр нэг сонстоно. Хаалга голлож зогсдоггүй юм гэж ээж дүүг загнана. Удалгүй нар жаргах ахуйд тэнгэр “онгойж” тэртээд солонго татна. Тэгээд тал хөндий өнгө засч, ногоо суга ургана даа.

Удаан хүлээлгэсэн бороо удтал асгараасай. Өн эртний дурсамжаа хаа нэгтэйгээс эрж хайж, автобусны цонхоор бодлоо тэнүүлж, хэсэгхэн тайтгарахсан.