Хуучин эд зүйлсээ худалдах, солилцох, үнэ төлбөргүй бусдад хандивлах “Өгөөмөр өдөр” өдөрлөг энэ бямба гарагт /2018.06.19/  болох гэж байна. Энэ талаар Улаанбаатар хотын Захирагчийн ажлын албаны Тохижилт, хог хаягдлын удирдлагын хэлтсийн дарга Г.Ууганбаяр, ахлах мэргэжилтэн С.Аригуун, “Хоггүй монгол” ТББ-ын тэргүүн М.Бүжинлхам, “Одонтой ээжүүд” фейсбүүк группыг төлөөлж Эмэгтэйчүүдийн эрх, хамгаалал хөгжлийн хүрээлэн ТББ-ын тэргүүн А.Мягмардолжин нар мэдээлэл хийлээ.

Хог хаягдлыг эх үүсвэр дээр нь ангилан ялгах, багасгах, бууруулах, дахин ашиглахад иргэдийн мэдлэг, оролцоог нэмэгдүүлэх зорилготой энэ өдөрлөгийг нийслэлийн 9 дүүрэгт зохион байгуулна. Өдөрлөгийн хүрээнд өөрийн хэрэглэхгүй хувцас гутал, цахилгаан бараа, ном сэтгүүл, гэр ахуйн хэрэгсэл, цүнх, гоёл чимэглэл, хүүхдийн тоглоом хэрэгслээ бусдад худалдах, бэлэглэж болох аж. 

Өдөрлөг бямба гарагийн 11:00-17:00 цагийн хооронд дүүрэг бүрт доорх байршлуудад зохион байгуулагдана

•  Баянзүрх дүүрэг - 55-р дунд сургуулийн талбайд

• Баянгол дүүрэг - Байгаль эх цогцолборт /Ачлал их дэлгүүрийн зүүн талд/

• Сонгинохайрхан дүүрэг - СХД-ийн ЗДТГ-ийн өмнөх талбайд

• Сүхбаатар дүүрэг - Монгол 3-р дунд сургуулийн талбайд

• Хан-Уул дүүрэг - Ажилчны алдар талбайд /19-ийн автобусны буудал

• Чингэлтэй дүүрэг - Барилгачдын талбайд

• Багануур дүүрэг - Нацагдоржийн талбайд

• Багахангай дүүрэг - БХД-ийн өмнөх талбайд

• Налайх дүүрэг - Налайх дүүргийн соёлын ордны 2 давхарт