Энэ сарын нэгдүгээр 10 хоногт ихэнх нутагт 0-5,0 мм хур тунадас оржээ. Ховд, Завхан, Хөвсгөл, Говь-Алтай, Архангай, Булган, Сэлэнгэ, Дархан-Уул, Төв, Хэнтий, Дорнод, Сүхбаатарын зарим, Өвөрхангай, Дундговийн ганц нэг сумдад 5,1-10,0 мм, Хөвсгөл, Булганы ихэнх, Завхан, Архангай, Өвөрхангай, Орхон, Сэлэнгэ, Төв, Хэнтий, Дорнодын зарим, Говь-Алтай, Сүхбаатарын ганц нэг сумдад 10,1-30,0 мм, Хөвсгөлийн Тариалан, Тосонцэнгэл, Чандмань-Өндөр, Цагаан-Үүр, Рашаант, Эрдэнэбулган, Булганы Орхон, Бугат, Булган, Баян-Агт, Сэлэнгийн Ерөө сумдын нутагт 30,1-59,2 мм орсон байна.

Харин Баян-Өлгий, Увс, Ховд, Говь-Алтай, Баянхонгор, Дундговь, Дорноговь, Төв аймгуудын зарим сумдын нутгаар ороогүй буюу ихэнх нутагт олон жилийн дунджаас бага, нутгийн төв болон зүүн хойд хэсгээр дунджийн орчим ба түүнээс ахиу тунадас орсныг цаг уурын байгууллагаас мэдээллээ.