Дуучин Жастин Бибер загвар өмсөгч Хэйли  Болдуин нарын сүй тавьцгаасан хэмээн олон улсын хэвлэлийнхэн мэдээлэх боллоо.

Учир нь хос далайн эргээр амарч байхдаа гэрэл зурагчдын дуранд өртсөн бөгөөд энэ үеэр 21 настай Хэйли сүйн бөгж зүүсэн байжээ.

Энэхүү зураг цахим сүлжээнд хурдацтай тархсаны дараахан дуучин залуу өөрийн инстаграм хуудсаараа дамжуулан “Би жинхэнэ хайраа олсон. Бидний талаарх бүх мэдээлэл үнэн” хэмээн бичжээ.

Мөн Хэйли, Бибертэй 2011 онд анх удаагаа уулзаж байхдаа авахуулсан гэрэл зургаа инстаграмдаа байршуулан “Миний зүрх хайр бас аз жаргалаар дүүрч байна” гэж бичсэн аж. 

Тэрбээр мөн сүйн бөгжтэй зургаа цахим хуудастаа нийтэлсэн байна.

Б.Дэлгэрцэцэг