Монгол, Туркийн хамтарсан сургуулийн захирал БНТУ-ын иргэн Вейсел Акчайг (Veysel Akcay) энэ сарын 27-ны өдрийн өглөө үл таних хүмүүс хулгайлсан гэх хэргийг цагдаагийн байгууллага шалгаж байна.

Энэ хэрэгтэй холбогдуулан Эрүүгийн цагдаагийн албаны зохион байгуулалттай гэмт хэрэгтэй тэмцэх хэлтсээс Эрүүгийн хуулийн  13.2.1-д заасан “хүнийг хулгайлах” зүйл ангиар хэрэг бүртгэлийн хэрэг нээж, мөрдөн шалгах ажиллагаа явагдаж байна. Одоогоор хулгайлахыг завдсан этгээдийг олоогүй буй аж. Харин Турк сургуулийн захирлыг Гэрч, хохирогчийг хамгаалах хэлтсээс хамгаалалтад авчээ.

Б.Учрал