Хичээлийн шинэ жил эхлэхэд цөөн хоног үлдээд байна. Үүнтэй холбогдуулан иргэд, олон нийт Улаанбаатар болон БНХАУ-ын Эрээн хотыг зорих нь элбэг.

Иргэдийн ихээр зорчиж буй чиглэлийн галт тэрэгний билетийг зарим иргэд олноор худалдан авч, үнэд хүргэж, шаглан худалдаалж, олон нийтийг бухимдуулах болжээ. Тухайлбал Эрээн, Замын-Үүд чиглэлийн галт тэрэгний өглөө, оройны суудлын билет олдохгүйд хүрээд байгаа аж.

Иймд төмөр замын байгууллагаас сэрэмжлүүлэг хүргэж, билет шаглан зарж буй этгээдүүдийг олж, тогтоон зөрчлийн тухай хуулиар хариуцлага хүлээлгэх юм байна.

Г.Сүрэн