• 2018-08-28

“Stamford” сүлжээний бизнест хохирсон 39 хүн мэдүүлэг өгчээ

Цагдаагийн ерөнхий газраас цаг үеийн асуудлаар сэтгүүлчдэд мэдээлэл /2018.08.28/ хийлээ.

 

Гэрэл зургийг MPA.mn

 

Манай улсад Ирландын “Stamford trading technologies” гэх компани нь хууль бус үйл ажиллагаа явуулж иргэдийг залилан мэхэлж байсныг Цагдаагийн байгууллага илрүүлсэн байна. “Stamford” гэх сүлжээний бизнестэй холбоотой Баянзүрх, Сүхбаатар дүүргий нутаг дэвсгэрт үйлдэгдсэн нийт 14 гэмт хэрэг бүртгэгдсэн бөгөөд одоогоор 39 хүн хохирогчийн мэдүүлэг өгчээ. Нийтдээ 17 мянган иргэн элсэн бүртгүүлсэн аж.

 

Олон шатлалт маркетинг луйврын тогтолцооны аргаар үйлдэгдэж байгаа энэ гэмт хэрэг нь Монгол Улсын Эрүүгий хуулийн 17.3 зүйл ангиар, хуулиар хориглосон. Гэтэл таньдаг найз нөхөд, ах дүү нар нь тухайн иргэнийг өөрөө мэдээ байхад нь бүртгүүлчихсэн байдаг. Ийм байдлаар жил хүрэхгүй хугацаанд манай Улсын 35 мянган иргэн  олон шатлалт маркетинг буюу пирамид тогтолцооны луйврын аргаар үйлдэж буй гэмт хэргийн хохирогч болж, 56.5 тэрбум төгрөгөөрөө хохирчээ.

 

“Stamford trading technologies” гэх компани нь "Бидэнд оруулсан хөрөнгө оруулалтынхаа таван хувийг долоо хоногт ашиг болгон авна. Энэ нь сард 22, жилд 1264 хувь гэх мэтээр өснө” гэх мэтээр иргэдийг залилдаг байна. Ердөө ганц удаа хөрөнгө оруулалт хийгээд өөр юу ч төлөлгүй, ямар ч зарлага гаргахгүйгээр их хэмжээний ашиг олно гэдэг нь хэтэрхий бодит бус нөхцөл юм. Тиймээс иргэдийг “гэрээсээ мөнгөтэй больё, дороо хоёр хүн элсүүлээд цалинд хүрье” гэх үгсэд итгэн хохирохгүй байхыг цагдаагийн байгууллагаас зөвлөж байна.

 

Г.Сүрэн

СЭТГЭГДЭЛ БИЧИХ

zochin:
olon jiliin umnu Orosod MMM gej yag iim togtoltsoogoor heden milliardiig husaad buun yum bolj bilee, amar hyalbar argaar mungu olno gesen shunal chini iim l bdald hurgene, hohini ee geh n haashaa yum, gehde unegui hyamd olz / byaslag / hulgani havhand l bdag gedgiig sanaj yav.
2018-08-28
Yaana daa uhernuud min. Heden jiliin omno hzh gedgeer ulsaara hohirson neg n uhej neg n shorond yavj duussan. Odoo bas l hanahgui. Unegui yum zovhon havhand l bdgin shde uhernuud min hodoonii malnuud minee
2018-08-28
Nam bus irgen:
Amar hyalbar argaar mungu oloh gesen setgelgeen deer ni toglolt hiijee dee hulhinuud. Hulsuu dusluulj huchee shavhaj ariun tsagaan hudulmuruuruu hurtsen mungu hamgiin hamgiin.
2018-08-28