Ерөнхий сайд У.Хүрэлсүхийн ивээл дор Сүхбаатарын талбайд “Хүчирхэг монгол спорт, урлагийн өдөрлөг” өчигдөр /2018.09.02/ болж өндөрлөсөн. Энэхүү арга хэмжээнд Ерөнхий сайд У.Хүрэлсүх оролцсон юм.

Тэрбээр өдөрлөгийн үеэр “Залуусаа тамхичин байхаа больж, тамирчин болцгооё. Спиртлэг байхаа больж спортлог байцгаая гэж хүсч байна. Монголын эрчүүд хүчирхэг байвал монголын ард түмэн хүчирхэгжинэ. Би эр хүний үүргийг илүүд үздэг. Эр хүн хорвоод мэндлэхдээ хоёр үүрэгтэй төрдөг. Нэгдүгээрт гэр бүлээ хамгаалах, эх орныхоо хүнд хүчир ачааг нуруундаа үүрч явах. Хоёрдугаар эх оронд аюул тохиолдвол алтан амь бүлээн цусаараа улс эх орныхоо тусгаар тогтнолыг батлан хамгаалах үүрэгтэй хүмүүс бол монгол эрчүүд” хэмээсэн юм.

Архи, тамхинаас хол байж эрүүл саруул, эх орондоо хайртай байхыг залуучуудад уриалж байлаа.

Г.Сүрэн