Дархан-Уул аймаг дахь гэрээсээ энэ сарын 16-нд гараад алга болсон ах, дүү хоёрыг эсэн мэнд олжээ.

Тодруулбал Дархан-Уул аймгийн цагдаагийн газарт “Ах дүү хоёр алга болсон” тухай дуудлага мэдээлэл иржээ. Мэдээллийн дагуу цагдаагийн алба хаагчид шуурхай арга хэмжээ авч эрэн хайх ажиллагааг явуулснаар алга болсон хүүхдүүдийг Улаанбаатар хотын Сүхбаатар дүүргийн нутаг дэвсгэрээс олсон байна.

Урьдчилсан байдлаар гадны нөлөөтэй, гэр бүлийн хүчирхийлэлтэй холбоотой нөхцөл байдал тогтоогдоогүй байгаа бөгөөд Дархан-Уул аймгийн цагдаагийн газарт шалгаж байна.

Ах нь 12 настай, дүү нь 8 настай аж.

Г.Сүрэн