УИХ-ын чуулганы хуралдаан үргэлжилж байна. Чуулганы индэр дээр нэр бүхий гишүүд УИХ-ын даргыг огцрохыг шаардаж, бичиг барьсаар байгаа. Үүнтэй холбогдуулан гишүүд горимын санал хэлэв. ХЗДХ-ийн сайд Ц.Нямдорж:
-Та бүхэн М.Энхболд даргтай уулзаад наад шаардлагаа тавьдаг юм байгаа биз. Энэ хооронд УИХ-ын дэд дарга Л.Энх-Амгалан уулзаад хурлаа удирдаад явж байг. Асуудал байгаа нь үнэн. Ярилцах, ойлголцох ёстой. УИХ-ын танхим дотор асуудлаа ойлголцож, шийдэж сурах хэрэгтэй. Хоёр талаасаа чангаагаад байвал юу ч явахгүй, ийм горимын санал байна, дарга аа хэмээлээ. УИХ-ын дарга М.Энхболд үүнтэй санал гэж байгаагаа илэрхийж, “Би гишүүдтэй уулзъя гэж бодож байгаа” гэлээ. Ийнхүү УИХ-ын чуулганы хуралдааныг дэд дарга Энх-Амгалан удирдаж, УИХ-ын дарга М.Энхболд нэр бүхий гишүүдтэй уулзалт хийхээр боллоо.
Чуулганы хуралдаанаар Ашигт малтмалын тухай хуульд нэмэлт өөрчлөлт оруулах хуулийн төслийг хэлэлцэж байна. УУХҮ-ийн сайд Д.Сумъяабазар хуулийн төслийг танилцуулав.
Н.Энх
Уншиж байна |