Өмнөговь аймгийн Номгон сумын Төхөм багийн ”Хараат-Уулын хэц” гэдэг газар /сумын төвөөс баруун урд зүгт 73 км-т, өчигдөр /2019.01.02/ 11:12 цагт 4.52 магнитудын хүчтэй газар хөдлөлт болжээ.

Газар хөдлөлтийн тухай мэдээллийг ООГХ-ээс 11:18 цагт утсаар Онцгой байдлын албанд мэдээлсэн бөгөөд тус аймгийн Онцгой байдлын газраар дамжуулан тус сумын Засаг даргаас тодруулахад газар хөдлөлтийн чичирхийлэл иргэдэд мэдрэгдсэн, хохирол учраагүй гэж мэдээлсэн байна.