УИХ-ын чуулганы хуралдааны дэгийн тухай хуулийн хэрэгжилтийн байдал, бусад орны туршлага, түүнийг нэвтрүүлэх боломж хэлэлцүүлэг маргааш Төрийн ордонд болно. УИХ-ын дарга Г.Занданшатар хэлэлцүүлгийг нээж үг хэлэх юм. 

Уг хэлэлцүүлгээр УИХ-ын  чуулганы хуралдааны дэгийн шинэчлэлийн асуудлыг хэлэлцэх юм байна. УИХ-ын дарга Г.Занданшатар сонгогдсоныхоо дараагаар  "УИХ-ын чуулганы хуралдааны танхим популизм, дарангуйллын талбар биш. Тиймээс УИХ-ын дэгийн тухай хуульд өөрчлөлт оруулах шаардлагатай" хэмээж байсан. Тиймээс ирэх хаврын чуулганаар УИХ-ын дэгийн тухай хуульд өөрчлөлт оруулах төслийг хэлэлцэх бололтой.  

Н.Энх