Монгол дахь “Circle K” сүлжээ дэлгүүр хүнсний бүтээгдэхүүнүүдийн түүхий эдийн 90 гаруй хувийг дотоодын үйлдвэрлэгчдээс хангадаг байна. Гэтэл энэхүү мэдээлэлтэй зэрэгцэн тус сүлжээ дэлгүүр зайдасны тооцоогоо хийхгүй, үндэсний үйлдвэрлэгчдийн бизнесийг гацаанд оруулаад байгаа тухай мэдээлэл цацагдлаа.

“Circle K” сүлжээ дэлгүүр “Мах импэкс” компанийн хиам консервийн үйлдвэртэй хамтран ажиллаж уг үйлдвэрээс зайдасаа нийлүүлдэг байна. Гэтэл төлбөрөө төлөхгүй удаж байгаа аж. Үүнээс улбаалан түүхий эдээ эргэлдүүлэх мөнгө, ажилчдын урамшууллын цалингаа тавьж чадахгүйд хүрээд байгаа гэдгийг тус үйлдвэрийн ажилчид хэлж байна.

“Мах импэкс” компанийн хиам консервийн үйлдвэр “Circle K” сүлжээ дэлгүүрээс тэрбум орчим төгрөгийн авлагатай аж.

Г.Сүрэн