Хашигдсан ХОТ
Улаанбаатар хотын газар хэсэг хэсгээрээ хэн нэгэн хүний, ямар нэг байгууллгын өмч болон хашигдсан. Хувь, хувьсгалын байшингаа тойруулан татсан хашаа ямар их түгжрэл үүсгэж, бөглөөс болж байгааг хэн бүхэн мэддэг ч нэмж хашаалсаар байдаг нь бодит үнэн.
Хотын төв хэсэг буюу Бага тойрууд нийт 10 925 метр 106 хашаа байна. Үүний 46 нь орон сууцны зориулалттай барилга, 104 нь иргэн, аж ахуй нэгжийн барилга, 116 нь төрийн байгууллагын барилга, 9 нь тусгай байгууллагын барилгыг тойруулан хашаа хатгажээ. Байшин барилга барьсан л бол тойруулан хашаа хатгаж, бусдаас тусгаарладаг амин хувийн үзэл Улаанбаатар хотын өнгө үзэмжинд хичнээн сөргөөр нөлөөлж байгааг хэлээд ч хэрэггүй биз. Дээр нь явган хүнд гишгэх газар олдохгүй, тээврийн хэрэгсэлд багтах зайгүй.
Тиймээс Нийслэлийн Хот төлөвлөлт, ерөнхий төлөвлөгөөний газраас Хашаа, хайс барих, ашиглах, буулгах журмын төслийг боловсруулан иргэдээс санал авч, нийслэлийн Засаг даргын зөвлөлийн хурлаар хэлэлцүүлсэн байна.
Ингэхдээ судалгаа хийж, орон сууцны 46, аж ахуйн нэгжийн 104, барилгын нийт 7065 м 85 хашааг буулгах боломжтойг тогтоосон байна. Энэ хашаануудыг буулгаснаар явган хүн, дугуйтай зорчигч автомашины орц гарцыг нэмэгдүүлэх боломжтой гэж үзжээ.
Шинээр боловсруулсан журмын төслийн хашаа, хайсанд тавигдах шаардлага
| Барилга, байгууламж |
Хашаа, хайсны өндөр |
|
| 4.1.1. |
Улсын батлан хамгаалах болон аюулгүй байдлыг хангах зориулалтын байгууллагууд, тусгай объектын эдэлбэр газар |
Нормын дагуу |
| 4.1.2. |
Гадаад улсын дипломат төлөөлөгчийн болон консулын газар |
Нормын дагуу |
| 4.1.3. |
Бага, дунд сургууль, тусгай сургууль |
1.5 м дээш |
| 4.1.4. |
Цэцэрлэг,ясли |
1.6 м |
| 4.1.5. |
II, III дугаар шатлалын эмнэлэг, сувилал |
1.6 м |
| 4.1.6. |
Цэнгэлдэх, цэцэрлэгт болон амьтны хүрээлэн |
1.6-2 м |
| 4.1.7. |
Авто цогцолбор болон техникийн зах, худалдааны төв |
Нормын дагуу |
| 4.1.8. |
Бүх төрлийн эрүүл ахуйн болон аюулгүйн шаардлагыг хангуулах зориулалтын барилга байгууламжийн хамгаалалтын бүс |
1.6-3.0 м |
| 4.1.9. |
Цацраг идэвхт болон химийн хорт бодис, тэсэрч дэлбэрэх бодис, багаж тоног төхөөрөмж ашиглах, үйлдвэрлэх, агуулах зориулалтаар |
Нормын дагуу |
| 4.1.10. |
Аюултай хог хаягдалын цэг, барилга байгууламж |
Нормын дагуу |
| 4.1.11. |
Үйлдвэрлэл, агуулахын зориулалтын эдэлбэр газар, цогцолбор барилга, байгууламж |
1.6-2.0 м |
| 4.1.12. |
Түүх, соёлын өв, дурсгалт газар, барилга байгууламж |
Нормын дагуу |
| 4.1.13. |
Амины орон сууц, гэр бүлийн хэрэгцээний зориулалтаар өмчилж, эзэмшиж байгаа эдэлбэр газар |
0.8-2.0 м |
| Хайс |
|
|
| 4.1.14. |
Авто зам тусгаарлах зориулалтаар |
0.75-1.10 м |
| 4.1.15. |
Явган замыг тусгаарлах зориулалтаар |
0.75 м хүртэл |
| 4.1.16. |
Ногоон байгууламжийг тусгаарлах зориулалтаар |
0.75 м хүртэл |
|
Түр хашаа – /3.0 м төмөр хашаа дээр нь 2.0 м тор байна./ |
5.0 м |
|
| Амьд хайс – /нэг эгнээ буюу түүнээс дээш/ |
1.0 м дээш |
|
М.Болд
СЭТГЭГДЭЛ БИЧИХ