Энхтайвны төлөө Францис Ерөнхийлөгчийн хөлийг үнслээ
Ватиканы тэргүүн Францис энхтайвны төлөө Өмнөд Суданы удирдагчийн хөлийг үнссэн талаар "Ройтерс" агентлаг мэдээллээ.
Тэрбээр Ватиканд хүрэлцэн ирсэн Өмнөд Суданы Ерөнхийлөгч Салва Кир Маярдит болон түүнийг дагалдан ирсэн Риек Мачар, Рэбэка Няндэн де Мабиор нарын өмнө сөгдөн суугаад хөлийг нь үнссэн аж.
Францис “Би та бүхнээс зүрх сэтгэлээсээ энх тайвныг сахиулан, ах дүүс шиг эвтэй найртай байгаасай гэж хүсэж байна ” хэмээжээ.
Өмнөд Суданы Ерөнхийлөгч Салва Кир Маярдит босогчдын тэргүүн асан Риек Мачар нар 2013 оны төрийн эргэлтийг зохион байгуулах үеэр 400 мянган хүн амиа алдаад байна. Эрх баригчид болон босогчид энхийн гэрээ байгуулсан ч тус улсад хүчирхийлэл газар авсаар буй юм.
Б.Дэлгэрцэцэг
СЭТГЭГДЭЛ БИЧИХ