Нийслэлийн Засаг даргын 2019 оны дөрөвдүгээр сарын 23-ны өдрийн А/364 дүгээр захирамжаар Сүхбаатарын талбайн урд хэсгийн 2.5 га газрыг хувийн аж ахуйн нэгжид эзэмшүүлсэн шийдвэрийг цуцалсан билээ. Дээрх захирамжийн дагуу “Ю Би Констракшн” ХХК-ны нэр дээрх 2.5 га газрын эрхийг хүчингүй болгож, нийслэлийн Газар зохион байгуулалтын албанаас тус компанид газар чөлөөлөх мэдэгдэх хуудсыг хүргүүлсэн билээ. Гурван хоногийн хугацаатай тус мэдэгдлийг эзэмшигч байгууллага хэрэгжүүлээгүй учраас өнөөдрөөс авто зогсоолын үйл ажиллагааг албадан зогсоож, орж гарах хаалтыг лацадлаа.