ШӨХТГ-аас харилцаа холбооны салбарын аж ахуй нэгж байгууллагуудад хяналт шалгалт хийжээ.

Нэгдүгээр сарын 24-ны өдөр “Мобиком” порпораци багцын үйлчилгээнд өөрчлөлт оруулсан талаар хэвлэл мэдээллийн хэрэгслээр мэдэгдэл гаргасан байна. Энэхүү мэдэгдлийг дагуу ШӨХТГ-аас шалгалт явуулж зарим зөрчлийг илрүүлжээ.

Тухайлбал “Мобиком” корпораци нь хэрэглэгчдэд бараа бүтээгдэхүүн, үйлчилгээний талаар үнэн зөв мэдээлэл өгч ажиллахгүй байгааг тогтоосон байна. Мөн “Мобиком” корпорацийн хэрэглэгчтэй хийж байгаа гэрээ нь хэрэглэгчийн эрхийг дордуулсан нөхцлүүдийг оруулсан байгааг олж тогтоосон аж.

Дээрх зөрчил, дутагдлыг илрүүлж “Мобиком” корпорацийг Зөрчлийн тухай хуулиар 20 сая төгрөгийн торгууль ногдуулжээ.

Г.Сүрэн