Сонгуулийн тухай хуулийг боловсруулах ажлын хэсгийн Монголын Улс нэг тойрог гэсэн хувилбарыг дэвшүүлжээ. Ингэснээс сонгогдсон УИХ-ын гишүүд улсын төсвийг боловсруулах, батлахдаа дов, жалганы үзэл гаргаад байхгүй, улсын хэмжээнд томоохон бүтээн байгуулалт өрнүүлнэ гэж үзэж байгаа аж. Харин нөгөө талд дээрх хувилбараар сонгууль явуулснаас шинэ, залуу нэр дэвшигчид  гарч ирж чадахгүй. Цаашлаад "сумын хөгжлөөс улсын хөгжил" гэдэг. Сонгогчид гишүүд сум, дүүргийг орхигдуулж, сонгогчдыг үл ойшооно гэж үзэж байгаа юм. Энэ асуудлаар Сонгуулийн хуулийн төслийг боловсруулах ажлын хэсгийн гишүүн, ЗХЭГ-ын дарга Л.Оюун-Эрдэнээс зарим зүйлийг тодрууллаа. 

-Сонгуулийн хуулийг томсгосон тойргоор явуулах шийдэлд яагаад хүрсэн бэ?

-Улс орон яавал хөгжих вэ гэдэг чухал. Хувь гишүүдийн тоглолт байхгүй болно. Жижиг тойрог дээр мөнгөөр сонгогддог, хуралдаандаа ирдэггүй гишүүд сонгогдох боломжгүй болно. Сонгуулийг томсгосон тойргоор явуулснаар улсын хэмжээний томоохон хөтөлбөр хэрэгжинэ. Өнгөрсөн хугацаан гацаж байсан томоохон бодлого хэрэгжиж, бодлогын гажуудал засагдана. Хувь гишүүний хувьд энэ бодлогыг дэмжиж байгаа. 

-Хуулийн төслийг хаврын чуулганаар хэлэлцэж амжих уу?

-Засгийн газар УИХ-д өргөн барина. Хаврын чуулганаар амжиж эхний хэлэлцүүлэг явчихад болно. 

-Томгосон тойргийн сул тал юу вэ?

-Ямар ч сайн тогтолцоо хийсэн хүмүүс буруу ашиглавал буруу болно. Энэ тогтолцоогоор орон нутаг орхигдох, ард түмнээсээ салах нөхцөл үүсэхийг үгүйсгэхгүй. Илүү бүсчилсэн бодлогоо хэрэгжүүлээд иргэдтэй нүүр тулж уулзахгүй байх магадлалтай. танигдаагүй хүмүүс гарч ирэх магадлал өндөр. 

Н.Энх